വഴികള്
കൂട്ടുകാരീ ,കാണുന്നില്ലേഇടത്തും വലത്തുമുള്ള വഴികള്
വീഥികള്ക്ക് പറയാന്
എന്തെന്തു ചരിതങ്ങള്,ചരിത്രങ്ങള്
അതിന്റെ കാറ്റിന് ചരിത്ര-
പുരുഷരുടെ ഗന്ധം
ചത്ത പട്ടിയുടെ
അഴുകിയ കാക്കയുടെ
മണമുള്ള വഴികള്
അമ്പലത്തിലേക്ക്
പള്ളികളിലേക്ക്
പാഠശാലയിലേക്ക്
വിരുന്നു വീട്ടിലേക്കു
മരണവീട്ടിലേക്ക്
പോകുന്ന വഴികള്
അവിടെ
നിന്നെ തിരഞ്ഞു ഞാനും
എന്നെ തിരഞ്ഞു നീയും
കണ്ടും കാണാതെയും നമ്മള്
എത്ര ഞാനും നീയും
ഒരുപാട് പറയാനുണ്ടീ
വഴികള്ക്ക് ........
ഒന്നും കേള്ക്കാതെ
കാണാതെ
ഒന്നിനും സമയമില്ലാതെ
ഞാനും നീയും മുന്നോട്ട്
ഇന്നലെത്തെ വഴിയുടെ ചരിത്രമറിയാതെ
ഇന്നത്തെ വഴിയുടെ നേരറിയാതെ
നാളത്തെ വഴിയെ ഒട്ടുമറിയാതെ
